អគ្គនាយក UPF ស្នើសុំយោបល់ពីនាយករដ្ឋមន្ត្រីកម្ពុជាដើម្បីកៀគរសំឡេងសម្រាប់គាំទ្រធម្មនុញ្ញសន្ដិភាពពិភពលោក
ភ្នំពេញ៖ អគ្គនាយកសហព័ន្ធសន្ដិភាពសកល លោក យ៉ុន យ៉ុងហូ បានស្នើសុំយោបល់ពីនាយករដ្ឋមន្ត្រីកម្ពុជា សម្ដេចតេជោ ហ៊ុន សែន ក្នុងការកៀគរសំឡេងដើម្បីគាំទ្រដល់ធម្មនុញ្ញសន្ដិភាពពិភពលោក និងការកសាងសួនសន្ដិភាពមេគង្គ។
ការស្នើសុំយោបល់នេះធ្វើឡើងក្នុងពេលដែលសម្ដេចតេជោ ហ៊ុន សែន អនុញ្ញាតឱ្យលោក យ៉ុន យ៉ុងហូ ចូលជួបសំដែងការគួរសមនៅវិមានសន្ដិភាព ព្រឹកថ្ងៃទី២០ ខែធ្នូ ឆ្នាំ២០២២នេះ។
ជំនួយការសម្ដេចតេជោ គឺលោក អ៊ាង សុផល្លែត បានឱ្យអ្នកសារព័ត៌មានដឹងថាក្នុងជំនួបនោះលោក យ៉ុន បានអបអរសាទរជូនចំពោះសម្ដេចតេជោ ហ៊ុន សែន ដែលបានដឹកនាំកិច្ចប្រជុំកំពូលអាស៊ានបានដោយជោគជ័យ ខណៈលោកក៏បានស្នើសុំយោបល់សម្ដេចតេជោក្នុងការកៀរគរការគាំទ្រធម្មនុញ្ញសន្ដិភាពពិភពលោក និងការកសាងសួនសន្ដិភាពមេគង្គផងដែរ។
ជាការឆ្លើយតបសម្ដេចតេជោ ហ៊ុន សែន បានបញ្ជាក់ថា ថ្វីត្បិតតែការដឹកនាំអាស៊ានឆ្នាំនេះមានភាពស្មុគស្មាញតែការសម្រេចបាននូវឯកសារចំនួន ១០១ឯកសារដោយគ្មានការរាំងស្ទះឡើយ។
ចំពោះការកៀគរការគាំទ្រសម្ដេចតេជោឱ្យជាយោបាល់ថាគួរធ្វើតាមទម្រង់ «UPF+X» ដែលមានន័យថាតាមរយៈការគាំទ្រពីតូចទៅធំ ខណៈការកសាងសួនសន្ដិភាពគឺត្រូវបន្តដំណើរការតទៅមុខទៀត៕
